АНУ-ын Калифорни мужийн шүүхээс “Samsung” компанийг зохиогчийн эрх зөрчсөн хэргээр “Apple”-д нэг тэрбум ам.долларыг төлөхийг шаардсан шийдвэр гаргасан байснаа өөрчилжээ. Шүүгчид “Samsung”-ийн “Apple” компанид төлөх мөнгийг 40 хувиар хассан байна. Ийнхүү торгуулийн хэмжээг өөрчилсөн нь учирсан хохирлын хэмжээг буруу тооцсонтой холбоотой учир засч залруулж байгаа нь энэ хэмээн тайлбарлажээ.  Одоо “Samsung”-ийн төлөх мөнгөнөөс 450 сая ам.доллар хасагдаж 550 орчим саяыг “Apple”-д шилжүүлэх болоод байна. Дэлхийн смартфоны зах зээлийн хамгийн том өрсөлдөгчид болох “Apple”, “Samsung” хоёр нийтдээ найман өөр улсад зохиогчийн эрхийн маргаанаар шүүхдэлцэж байгаа юм. АНУ-ын шүүх дээр “Samsung” ялагдсан бол Өмнөд Солонгосын шүүх дээр “Apple” ялагдсан юм.