Өнөөдөр өглөөгүүр  ОХУ-ын Хабаровск хотноо телевизийн “Дальневосточная”  компанитай хамтран кино хийж байгаа японы зургийн групп рүү нэгэн согтуу залуу ойртон ирээд шаардлага тавьсных нь төлөө гар буу гарган буудаж эхэлжээ. Тэрээр эхлээд агаарт, дараа нь уран бүтээлчид рүү буудсан ч азаар хэн нэгэн өртөж шархдаагүй, эд материалын хохирол учраагүй байна. Ойрхон байсан Замын цагдаагийн ажилтнууд танхай нөхрийг саатуулж Хабаровск хотын, 29 настай иргэн болохыг тогтоожээ. Гар бууг нь хурааж, хэрэг үүсгэн шалгаж эхэлсэн байна.