Их Британийн цаг уурчид манай гаригийн цаг агаар энэ жил олон жилийн дундаж үзүүлэлтээс 0,6 градусаар дулаан байна гэлээ. Тэдний үзэж байгаагаар бол энэ он 1850 оноос хойшхи 160 жилд  болсон хамгийн халуун 10 жилийн тоонд орно гэнэ. Энэ жилийн дундаж температур цельсийн 14 градус байгаа нь өмнөх жилийнхээс 0,57 градусаар өссөн гэсэн үг гэнэ.
Гэтэл 2012 онд манай гаригийн температур 1961-1990 оны дунджаас 0,45 градусаар өссөн юм шүү дээ. Цаг уурчид, эрдэмтэд энэ дүгнэлтийг олон эх сурвалж, ажиглалтын эцэст гаргасан байна. Тэд Британийн цаг уурын товчоо, дорнод Английн их сургуулийн цаг уурын хүрээлэн, америкийн хүрээлэнгүүдтэй хамтарч ийм гаргалгаа хийсэн байна.
2012 оны долдугаар сард зүүн Европт ер бусын халуун болж Италид гэхэд л 40-50 градус халж, олон газарт халуунаас болж хүмүүс нас барж байсан юм.