Кубад мэс засалд орж, эмчилгээ хийлгэж байгаад саяхан эх орондоо ирсэн Венесуэлийн Ерөнхийлөгч Уго Чавесын тархи үхжиж байгаа нь хоёр сарын өмнөөс эхлэн мэдэгджээ. Энэ талаар Америкийн улс орнуудын байгууллагад суугаа Панамын элчин сайд асан Гильмера Кочес мэдэгдсэн байна. Түүний хэлснээр бол Уго Чавесыг өнгөрсөн долоо хоногт Кубаас Каракаст шилжүүлэхдээ хиймэл амьсгалын аппаратыг нь салгаагүй гэнэ. Элчин сайд бас Венесуэлд Ерөнхийлөгчийн шинэ сонгууль тун удахгүй, өнөө маргаашгүй болно гэжээ. У.Чавес Кубад очиж мэс засал хийлгээд хоёр сар эмчлүүлээд эх орондоо ирсэн ч энэ хугацаанд нэг ч удаа телевизээр гараагүй юм.