ОХУ, АНУ хоёр Америкийн пуужин эсэргүүцэх системийг Европт байрлуулах асуудлаар гацаанд ороод байснаасаа гарах аргаа олсон гэнэ. Хоёр улсын төрийн тэргүүн агаараас эсэргүүцэн хамгаалах хүрээнд харилцан бие биенийхээ эсрэг батлан хамгаалах хүчин чадлаа ашиглахгүй гэсэн баталгаа бичиг солилцох санал гаргажээ. Өнөөдөр АНУ-ын Төрийн нарийн бичгийн дарга Жон Керри, ОХУ-ын Гадаад хэргийн сайд Сергей Лавров нар Берлинд уулзаж энэ асуудлыг хэрэгжүүлэх арга замыг ярилцаж байна.
Өмнө нь, Европт АНУ-ын пуужин эсэргүүцэх  систем байрлуулах тухай ярилцаж байхад хоёр тал цөмийн нөөцөө цаашид хорогдуулах асуудлаас болоод гацаанд ороод байсан юм.