Хууль сахиулах байгууллагынхан ОХУ-ын нийслэл Москва хотын иргэн,  ажилгүй 40 настай эрийн гэрээс  100 гаруй буу зэвсэг олж илрүүлсэн байна. Энд калашниковын автомат 45, пулемёт гурав, төрөл бүрийн 49 гар буу, карбин, гранат байжээ. Бүхий л буу зэвсгийг шинжилгээнд оруулахаар холбогдох байгууллагад илгээсэн байна. Түүнийг янз бүрийн орны галт зэвсэг, тэр дотроо дэлхийн хоёрдугаар дайны үеийн зэвсгийг өөрчлөн засварлаж, дамлан худалддаг байж болзошгүй гэж үзэн саатуулаад шалгаж эхэлжээ.