Өмнөд Солонгос түүхэндээ анхны эмэгтэй ерөнхийлөгчийнхөө тангараг өргөх ёслолыг хийх гэж байна. Барууны “Сэнури” намын нэр дэвшигч Пак Кын Хе сонгогчдоос 51.7 хувийн санал авсан юм. Тангараг өргөх ёслол Сэул хотын төвд Үндэсний хурлын ордны өмнөх талбайд болно. Энэ ёслолд алдарт “Gangnam Style” хит дууны зохиогч, өмнөд солонгосын рэпер Psy оролцох юм байна. Харин түүнийг ямар дуу дуулах тухайд одоохондоо мэдээлээгүй байна.
Пак Кын Хе сонгуулийн өмнөх кампанит ажлынхаа үеэр эдийн засгийн либералчлах, ажлын байр нэмэгдүүлэх, ард иргэдийн амжиргааг сайжруулах болон Солонгосын хойгийн аюулгүй байдлыг хангана гэж амлаж байсан юм. Мөн умард Солонгост хүнсний тусламж үзүүлэхийг сэргээж, харилцаагаа сайжруулахаар ярьсан юм.
Өдгөө 60 настай Пак Кын Хе нь тус улсын амь үрэгдсэн ерөнхийлөгч Пак Чон Хи-гийн охин юм.
