Энэтхэгийн өмнөд нутгийн Хайдарабад хотод олон хүн хөлхдөг захын дэргэд кинотеатр, автобусны буудалд нэгэн зэрэг хоёр гурван бөмбөг дэлбэлсний уршгаар 22 хүний амь үрэгдэж 50 гаруй хүн шархдаж бэртсэн байна. Тус улсын Дотоод яамны эх сурвалж энэ халдлагыг илүү олон хүний амийг хөнөөх зорилгоор маш сайн бэлтгэж хийсэн гэж үзэж байгаагаа тэмдэглэжээ. Энэтхэгийн ерөнхий сайд Манмохан Сингх “Энэ зэрлэг аллагыг зохион байгуулсан буруутай этгээдүүд хариуцлагаас мултрахгүй” гэж мэдэгдсэн байна.