Лондон хотын Кенсингтон ба Челси дүүргийн удирдлагууд Оросын тэрбумтны төлөвлөгөөг авч хэлэлцээр болсон тухай “Evening Standard” сонин мэдээлж байна. Энэ төлөвлөгөө нь Абрамович өөрийн худалдаж авсан түүхэн ач холбогдолтой байрандаа сэргээн засвар хийх болсонтой холбоотой. Уг нь байр нь цагтаа Английн зураач Жеймс Уистлерийнх байсан, Темза мөрөн рүү харсан цонхтой аж. Урьдчилсан байдлаар түүхэн байрыг нөхөн сэргээх төсөл нь дэмжлэг авсан бол эцсийн шийдвэрийг дараа долоо хоногийн мягмар гарагт дүүргийн хурлаар шийднэ. Абрамович нь худалдаж авсан байраа хуучин эзэн Уистлерийн зурагт дүрслэгдсэнтэй адил болгон өөрчлөхийг хүсчээ. Гол барилга дотор Темза мөрөн рүү харсан танхимыг засна. Мөн нэг жигүүрийн барилгыг зочид, зарц нар зориулсан байр болгон өөрчлөх аж. Үүний дээр гараашуудыг нураан оронд нь эхнэрийн хамт цуглуулсан уран зургаа дэлгэн тавих студи байгуулах санаатай байгаа юм. Дүүргийн эрх баригчид засвар хийхийг зөвшөөрвөл гурван жилийн дотор дуусгах аж. Энэ засварт Абрамович 100 сая фунт стерлинг зарцуулна.