Диана гүнжийн олны сэтгэлд хоногшин үлдсэн даашинзуудыг дуудлагаар худалдахаар болжээ. Томоохон баяр ёслолын ажиллагаан гүнжийн гоёж байсан 10 даашинзыг үнэ хаялцуулах юм байна. Эдгээр даашинз дунд Диана гүнж АНУ-д айлчлах үеэр Цагаан ордны хүлээн авалтанд алдарт жүжигчин Жон Траволтатай бүжиглэхдээ өмссөн алдартай хар даашинз ч багтаж байгаа аж.  Диана гүнж Цагаан ордны хүлээн авалтанд оролцохдоо Жон Траволтатай бүжиглэхийг өөрөө эхэлж хүссэн гэлцдэг. Түүний энэ хүсэлтийг тэргүүн хатагтай Нэнси Рэйган жүжигчинд хэлснээр тэд хамтдаа 20 минут шахам бүжиглэсэн юм. Гүнжтэй бүжиглэснээ яг л үлгэрт гардаг шиг хэмээн Жон Траволтагийн ярих дуртай тэр хүлээн авалтын гоёл, Диана гүнжийн гоо үзэсгэлэн тухайн үедээ олныг шагшуулж байлаа.  Энэхүү түүхтэй даашинзаас гадна Катерин Уолкерийн таван ч даашинз энэ цуглуулгад багтаж байна. Уг дуудлага худалдаанаас 800 мянган фунт буюу сая гаруй ам.доллар олохоор тооцоо гараад байгаа бөгөөд бүгдийг нь буяны үйлсэд зориулах ажээ.