Нигерийн өмнөд эргийн орчим Armadah Tuah хөлөг рүү дайрч зургаан далайчныг барьцаалсан далайн дээрэмчид өчигдөр Бейлс мужийн цагдаагийн газар луу утасдаж 200 сая найра буюу нэг сая евро өгвөл барьцаалсан хүмүүсээ суллана гэж мэдэгдсэн байна. Барьцаалагдсан далайчдын дунд нэг орос, гурван украин хүн байгаа юм. Дээрэмчид төлбөрийг хэрхэн яаж авч өгөхөө тодорхой хэлээгүй байна.
Малайзын далбаатай явж байсан Armadah Tuah хөлөг рүү дайрахдаа дээрэмчид зөвхөн гадаадын иргэдийг барьцаалж авч явсан юм байна.