Японы Саппород байдаг нэгэн зоогийн газар хоолоо гүйцэд идээгүй үйлчлүүлэгчдээ торгодог гэнэ. “Хачикёо” хэмээх тус зоогийн газарт хоол захиалан идсэн хэн боловч тавгандаа нэг ширхэг ч будаа үлдээх ёсгүй бөгөөд хэрэв хоолоо үлдээвэл 20 орчим ам.долларын торгууль төлөх болно. Ийм хатуу дүрэм гаргасан шалтгааны рестораны эзэн тайлбарлахдаа “Загасчид маш хатуу ширүүн нөхцөлд ажиллаж, зарим тохиолдолд бүр амь насаа эрсдэлд оруулан байж бидний зооглож буй энэ хүнс хоолыг бэлтгэдэг. Тиймээс аягандаа ширхэг ч будаа үлдээхгүй байх нь тэдний хөдөлмөр зүтгэлийг үнэлж хүндэтгэж буй хэрэг” гэж хоолныхоо цэсэнд бичжээ. Зоогийн газрын эзэн хоолны хүнс материалдаа гамтай хандах дадал зуршил суулгахын тулд ажилтнууд загасчны завинд хүртэл ажиллуулдаг байна. Далайн хүнсээр дагнасан тус хоолны газар цукко меши хэмээх нэрийн хоолоороо алдартай ажээ.
