Засгийн газрын цэрэг, сөрөг хүчнийхэнтэй байлдан иргэний дайн болж байгаа Сирийн нийслэлд өчигдөр хэд хэдэн хүчтэй дэлбэрэлт болсны хоёр нь Ерөнхийлөгч Башар Асадын ордны дэргэд дэлбэрсэн байна. Дамаскийн баруун хойд дүүрэгт байрладаг Тишрин ордны дэргэд хоёр дэлбэрэлт болсныг арабын Аль-Жазира  телевиз харуулжээ. Харин дэлбэрэлтийн үеэр Ерөнхийлөгч Башар Асад хаана байсныг мэдээлээгүй ч тэр өөрөө болон ойрынхноос нь хүн шархдаж бэртээгүй гэсэн байна.