Түүхийн нэгэн цаг үед нэгэн улс болж явсан Малайз-Сингапур улсыг хооронд нь өндөр хурдны төмөр замаар холбохоор болжээ. 2020 он гэхэд барьж дуусах төмөр замыг бүрэн ашиглалтад орох үед хоёр улсын хооронд ердөө 90 минут зорчдог болох юм. Өөрөөр хэлбэл Сингапураас Малайзын нийслэл Куала Лумпур хүртэл нэг цаг хагас явдаг болно. Одоо ашиглаж буй төмөр замаар бол хоёр улсын нийслэл хоорондох 300 километр замыг зургаан цаг,  авто замаар бол дөрвөн цаг туулж байгаа юм. Харин ингэж өндөр хурдны галт тэрэг зорчдог болсноор хоёр улсын худалдаа, эдийн засгийн эргэлтийг нэмэгдүүлнэ гэж Малайз, Сингапурын эрх баригчид үзэж байна.
Одоогоор энэхүү төсөлд хэдий хэмжээний хөрөнгө мөнгө зарцуулах нь тодорхойгүй байгаа ч хувийн компаниуд гүйцэтгэнэ гэсэн мэдээлэл байна.