Украины парламент-Дээд Радагийн сөрөг хүчин “Свобода” болон “Батькивщина”-гийн депутатууд  манай МАН-ын гишүүдээс хэдийнээ суралцаад өнөөдөр парламентын хуралдааны танхимдаа “Буйдантай суулт” хийн хоноцгоох гэнэ. Тэд хуралдааны танхимын хаалгыг дотроос нь  хааж олонхийг орж ирэн индэр ашиглахаас сэргийлнэ гэж депутат Владимир Арьев Facebook-тээ бичжээ.
“Свобода” бүлгийн тэргүүн Олег Тягнибокийн хэлснээр бол тэд Дээд Радаг Үндсэн хуулийн бус аргаар эхлүүлэхийг эсэргүүцэж байгаа нь тэр гэнэ. Харин олонхи болох “Регионалы” –чууд болохоор сөрөг хүчнийг Европын холбоотой хийх хийх хэлэлцээрийг саатуулж байна хэмээн буруутгаж байна.