ОХУ-ын иргэн, францын нэрт жүжигчин Жерар Депардье Нормандийн толгод дунд сууц барьж эхэлсэн нь байгаль хамгаалагчдын эсэргүүцэлтэй тулгараад байна. Тэр Трувиль-сюр-Мер хамтралын нутагт Ла-Маншийн хоолойн эрэг дээр 250 хавтгай дөрвөлжин метр талбай бүхий модон байшин барихаар зөвшөөрөл авчээ. Орон нутгийн захиргаа эхлээд тэр газрыг хамгаалалтад авах гэж байгаа гэж татгалзсан юм байна. Дүрэм журмаар бол тэр газрыг байшин барих хүн эзэмшиж авсан байх ёстой гэнэ. Гэсэн ч жүжигчин учраа хэлж хамгаалалтад авах газар луу машин зам тавихгүй гэснээр зөвшөөрөл авч дөнгөжээ. Гэтэл байгаль хамгаалагчид үүнийг эсэргүүцэж байгаа гэнэ. Барилгын ажил эхлэхэд техникүүд далай талын ногоон толгодыг онгичиж эхэлсэнд тэд дургүйцэж байгаа юм гэж “Трувилийн найзууд” холбооны тэргүүн Анри Люке хэлжээ. Түүнийхээр бол Депардьед газрын зөвшөөрлийг хууль бусаар өгсөн гэнэ. Тэмцэгчид  бүр Депардьег шүүхэд өгч газрын зөвшөөрлийг нь хурааж, ажлыг нь зогсоохоор тэмцэж байгаа юм байна.