АНУ-ын ерөнхийлөгч Жон Кеннеди агсны төрийн тэргүүний онгоцоор явахдаа өмсдөг байсан зуны хүрэм дуудлага худалдааны үеэр 665 мянган ам долларын үнэ хүрч алх цохиулсан байна. CNN-ийн мэдээлснээр хүрмийг эхлээд 20-40 мянган доллараар үнэлсэн ч оролцогчид албан үүргээ гүйцэтгэж яваад харамсалтайгаар амь алдсан ерөнхийлөгчийн хүрмийг сонирхон өрсөлдсөөр ийм үнэ хүргэжээ. Ерөнхийлөгчийн тусгай туслах байсан Дэвид Пауэрсийн гэр бүлээс зохион байгуулсан дуудлага худалдаагаар АНУ-ын төрийн тэргүүн агсны өөр олон эд зүйлийг худалдсан байна.