Арабын ертөнцийн нэртэй телевиз “Аль-Жазира” сувгийн хөтлөгч Фейсал Касемийг Сирийн эрх баригчид алан хядагчдын санхүүжүүлдэг, иргэний дайн өдөөгч гэж буруутгасан байна. Тус улсын Сангийн яамны мэдэгдэлд Эс-Сувейд хотын дэргэдэх сэтгүүлчийн эзэмшил газарт алан хядагчид тэсрэх бөмбөг үйлдвэрлэдэг байсан гэжээ. Сирийн эрх баригчид Засгийн газрынхаа эсрэг тэмцэж байгаа бүхий л хүнийг алан хядагч гэж нэрлэдэг юм. Тус улсад хоёр жил шахам үргэлжилж байгаа иргэний дайны улмаас  70 орчим мянган хүн амь үрэгдээд байна гэж НҮБ мэдэлж байгаа юм.