Францын “Paris St Germain” багт тоглохоор гэрээсээ хол байрлаж буй алдарт хөлбөмбөгч Дэвид Бекхэмийг багийнх нь дээд зэргийн нөхцөл боломжоор хангаж байна. Тэрээр Францад байх хугацаандаа “Bristol” зочид буудалд байрлах ажээ. Алдарт хөлбөмбөгчний байрлах өрөө нь хоногийн 17 мянган еврогийн үнэтэй дээд зэрэглэлийн люкс өрөө гэнэ. Дотроо асар том зайтай энэхүү өрөө нь 12 зочин хүлээн авах боломжтой нь Бекхэмийн гэр бүл энд үе үе зочлоход зориулсан ажээ. Дэвид Бекхэм PSG багтай таван сарын гэрээ байгуулсан бөгөөд энэ хугацаанд Лондон дахь гэрээсээ тусдаа амьдрах юм.