Билгийн тооллын XVII жарны Тийн ялгуусан хэмээх харагчин усан могой жилийн хаврын тэргүүн сарын шинийн гуравны морь цагт Монголын Ардчилсан Холбооны анхдагчид Ардчиллын ордондоо цуглан ахмад буурлуудаа хүлээн авлаа. Энэ үеэр МоАХ-ны дарга Х.Баттулга болоод аймаг, дүүргийн удирдлагууд Ардчиллын оронд хуран цугласан 300 орчим ахмадынхаа амар мэндийг эрэн золгож, одон буй луу жилийн ажил амжилтаа дүгнэн, ирж буй усан могой жилийн өнгийг хэлэлцлээ. Мөн зарим зүтгэлтнээ МоАХ-ны дээд шагнал Эрх чөлөөний одонгоор шагнасан юм.