Сөрөг хүчинтэй хийх яриа хэлэлцээр Сирийн нутаг дээр л болох ёстой гэж тус улсын Гадаад хэргийн яам мэдэгдсэн байна. Сирийн Гадаад хэргийн сайд Валид Муаллема ОХУ-д айлчлах үеэр Москва сөрөг хүчний үндэсний нэгдлийн удирдагчидтай ОХУ-д уулзуулж болох юм гэхэд тэрээр ийм хариу өгчээ. Сирийн сөрөг хүчний үндэсний нэгдлийн тэргүүн Ахмед Муаз аль-Хатыб ойрын гурван долоо хоногийн дотор Москвад айлчлах гэж байгаа юм байна.
Сирийн Гадаад хэргийн сайд Валид Муаллем ийм хэлэлцээрийн өмнө өөрийн коллеги Сергей Лавровтай уулзахаар Москвад очсон юм. “Намайг сөрөг хүчнийхэнтэй Москвад уулзах гэж байна гэсэн яриа байгаа. Энэ тухайд Сири, өөрийнхөө улсын дотоод гадаад байдлын талаар сөрөг хүчинтэй хийх яриа хэлэлцээрийг зөвхөн өөрийн нутагтаа л хийх болно” гэж Гадаад хэргийн сайд тэмдэглэжээ.