Австралийн Үндэсний эрүүл мэнд, анагаах ухааны судалгааны зөвлөлөөс төрсөн өдрөө тэмдэглэж буй хүүхдүүдийг бялууны лаа үлээхгүй байхыг анхааруулсан  зөвлөж гаргажээ. Хэрвээ хүүхдээрээ лаа үлээлгэхийг хүсвэл тусад нь бялуу бэлтгэж, зочин хүүхдүүдэд өөр бялуу өгөхийг эцэг эхчүүдэд зөвлөсөн байна. Энэ зөвлөмж мэдээж элдэв нян вирус тараахгүй байх гэсэн арга боловч олон нийтийн дургүйцэлтэй тулгарч эхэлжээ. Австралийн анагаах ухааны холбоо гэхэд л “Хүний хүрээлэн буй орчинд тодорхой тооны антигенууд байх нь харин ч бидний дархлааг бэхжүүлж байдаг. Хэрэв хүн ямар ч нянгүй орчинд амьдарвал элдэв халдвар, өвчинд илүү өртөмхий болдог” гэж зөвлөлийн гаргасан зөвлөмжийг няцаажээ.