Малийн умард нутгийн исламын зэвсэгт бүлэглэл, террористуудын эсрэг ажиллагаанд Франц улс нэгдүгээр сарын 11-нээс хойш 70 сая евро зарцуулаад байна гэж Батлан хамгаалахын сайд Жан-Ив Ле Дриан парламентдаа мэдээлжээ. Энэ удаагийнх өмнө нь Афган, Ливид явуулсан цэргийн ажиллагаа бодвол илүү үнэтэй байна гэж тэр мэдэгдсэн байна. Энэ хөрөнгийн ихэнх болох 50 сая еврог Мали руу 4000 цэрэг, 10 мянган тонн галт хэрэгсэл илгээхэд зарцуулжээ. Харин үлдэх 20 сая еврог нь цэргийн техник, түлш, цэргийн албан хаагчдын хоол хүнс, бусад хэрэгсэл тээвэрлэхэд зарцуулсан байна. Малийн исламчуудын эсрэг энэ ажиллагаанд Францын холбоотон АНУ, Их Британи, Белги, Дани, Нидерланд, Испани, Итали, Канадын дэмжлэг байгаагүй бол бүр ч илүү их өртөгтэй тусах байсан гэнэ.
Францын Ерөнхийлөгч Франсуа Олланд өнгөрсөн лхагва гарагт цэргүүдээ гуравдугаар сард Малигаас гаргана гэж мэдэгдсэн юм. Одоо Францын нисэх хүчин Малийн зүүн хойд нутгийн Кидаль хот хавьд исламчуудын байрлалыг дайрч байгаа юм.