Украины FEMEN хөдөлгөөний идэвхтнүүд хагас нүцгэлэн гүйлдэж Берлиний кино наадмын нээлтийн улаан хивсний ёслолыг үймүүлжээ. Цээж нүцгэн хүүхнүүд гарч ирэн үзэгчдийн болон сэтгүүлч сурвалжлагч, кино оддын хамгаалагчдын урдуур орон анхаарлыг нь татсан байна. Хууль сахиулагчид тэднийг саатуулан цагдаагийн дулаан байранд аваачжээ. Идэвхтнүүдийн хэлснээр бол тэнд цугларагсан хүмүүсийг эмэгтэйчүүдийн асуудалд анхаараасай, эмэгтэйчүүдийн эрхийг дээдлээсэй гэсэндээ  ийм арга хэмжээ зохион байгуулсан гэжээ.