АНУ-ын Колорадо мужийн Денвер хотноо хувийн сууцанд галт зэвсэгтэй этгээд нэг эмэгтэйг 10 хүртэлх насны хоёр хүүхэдтэй нь буудан хөнөөсөн хэрэг гарлаа. Өөр бас нэг хүүхэд хүнд шархдаж эмнэлэгт хүргэгдсэн байна. Өчигдөр өглөөний 7 цагийн орчимд буун дуу гарч цагдаагийнхныг дууджээ. Хэдий насны хэн гэдэг хүмүүс гэмт хэргийн золиос болсныг дурдаагүй байна. Хэргийн газарт цагдаагийнхан ажиллаж байна. Хэрэг юунаас болж гарсан хийгээд гэмт хэрэгтнийг барьсан эсэх талаар тодорхой мэдээлсэнгүй.