Ерөнхий сайд Н.Алтанхуяг ээлжит цахим хурлаа хийж, аймгийн Засаг дарга нарт үүрэг чиглэл өглөө. Тэрээр хурлын эхэнд цас зудны хүндрэлтэй байдлыг харгалзан үзэж Засгийн газраас тодорхой мөнгө төгрөг зарцуулсны эцэст өвлийг хохирол багатай давж байгааг хэлсэн юм. Тухайлбал, энэ өвөл улсын чанартай зам давааг нээхэд, улсын нөөцийн өвс тэжээлийг татан байршуулах гэх зэрэг ажилд нийтдээ 5,4 тэрбум төгрөг зарцуулжээ. Тэрчлэн цаг алдалгүй шаардлагатай мөнгө төгрөгийг шийдвэрлэж байсан. Тиймээс энэ мөнгөө ариг гамтай зарцуулахыг Ерөнхий сайд Н.Алтанхуяг Засаг дарга нарт хэлсэн юм.