АНУ-ын сенатын гишүүн, 2008 онд ерөнхийлөгчийн суудлын төлөө Барак Обаматай өрсөлдөж байсан Жон Маккейн Ираны ерөнхийлөгчийг сармагчинтай зүйрлэснийхээ төлөө шүүмжлэл хүлээгээд байна. Даваа гарагт Ираны ерөнхийлөгч Ахмадинежад сансрын үндэсний хөтөлбөрийнхөө хүрээнд сансарт удахгүй хүн нисгэхэд бэлэн байна гэж мэдэгдсэний дараа Маккейн “Ахмадинежад сансарт ниссэн анхны ирэн хүн болохыг хүсч байх шиг байна. Гэхдээ тэр өнгөрсөн долоо хоногт нисээд ирээ биз дээ” гэж твиттертээ бичжээ. Тэр нь өнгөрсөн долоо хоногт иран сармагчин суулгасан хөлөг хөөргөж тэр нь амжилттай болсныг хэлсэн хэрэг байна.
Ийнхүү түүний бичсэн нь арьсны өнгөөр ялгаварласан хэрэг болон ихээхэн шүүмжлэл дагуулж эхлэхэд Маккейн өөрөө энэ бол зүгээр наргиа байсан, хүмүүс ойлгосонгүй л дээ гэсэн хариу өгчээ. Сенатын гишүүн, нэг намынх нь нөхөр Жастин Эмаш “Дуугүй бөайдаггүй юм гэхэд, арьсны өнгөөр ялгаварласан шоглол хэлэхгүй байж болох л байсан даа” гэсэн байна.
Маккейн ер нь исламын орнуудын талаар хатуухан үг хэлчихдэг нэгэн. Түүгээр ч барахгүй Оросыг “Их найм”-аас гарах тухайд тэдний удирдагчдыг Муаммар Каддафитай зүйрлэж байсан удаа бий.
