Британийн хөнгөн зуушны сүлжээ Pret A Manger төвийнхөн католик шашны сүсэгтнүүдийн гомдлоор “Дева Мария” чипсээ худалдаанаас эргүүлэн татах болсноо зарлажээ. Католикчууд энэ чипсийн нэр нь тэднийг гутаасан гэж үзсэн байна. Pret A Manger-ийн төлөөлөгч гомдол тийм ч олон гараагүй, гэхдээ компани хэрэглэгчдийнхээ санал хүсэлтийг хүлээн авч ийм шийдвэр гаргасан гэсэн байна. Тэр бас компани хэн нэгнийг гомдооё гэж бодоогүй гэдгээ дурдаад гомдол гаргасан хэрэглэгчдээсээ уучлал хүсчээ. Энэ компани Британийн хэмжээнд бүтээгдэхүүнээ борлуулдаг худалдааны 350 орчим цэгээсээ бүх чипсээ татаж аван үлдэгдлийг нь хүмүүнлэгийн байгууллага, орон гэргүй хүмүүст өгөхөөр шийдвэрлэжээ. Католикчууд ч бас хэрэглэгчийнхээ гомдлоо шуурхай арга хэмжээ авсан компанид талархал илэрхийлсэн байна.
