ОХУ-ын Якутын нутагт нэгдүгээр сард 50 градус хүйтэн байх нь хэвийн үзэгдэл. Ийм ч болохоор манай гаригийн хамгийн хүйтэн газар гэх нь ч бий. Харин эндэхийн Оймякон тосгон бол бүр хамгийн хүйтэн буюу  хасах 71 градус хүрдэг газар. Энэ өвөл бүр хасах 71,2 градус хүрч дээд амжилт тогтоосон. Өвөлдөө ингэж хатуурхдаг ч зуны долоо наймдугаар сард бол нэмэх 30 градус давж хална. Индигирка голын зүүн эрэг дээр байрлах энэ тосгонд ердөө л 500 хүн амьдарна. Өнгөрсөн зууны 20-30-аад онд энэ нутаг цаатнууд тархан амьдарч байсныг зөвлөлт засгийн үед удирдлага жолоодлоготой болгож тосгон байгуулсан нь энэ. Гэхдээ Якутын нийслэл Якутскаас хоёр өдөр явж хүрдэг.
Тосгон ганцхан дэлгүүртэй, тэгээд ч энд ямар нэгэн ургамал ургах нь муу болохоор хүмүүс нь ихэвчлэн буга, адуу, загасны мах л иднэ. Халаалтын нэгдсэн сүлжээ байхгүй, айлууд түлээ нүүрс түлнэ.

Сарын дундаж температур нь 54 градусаас дээш, ганцхан сургууль нь хасах 52 градусаас хэтрэхээр хичээлээ хаана. За тэгээд л үзэгний бэх хөлдөх, батарей, цэнэглэгчийн цэнэг ойр ойрхон дуусахаас аваад зам  нь цасанд хаагдах гээд бэрхшээл мундахгүй.