Өмнөд Африкт өчигдөр хоёр гарт тэрэг мөргөлдсөнөөс 350 орчим хүн бэртсэний 150-ыг нь эмнэлэгт хүргэлээ гэж Франс Пресс агентлаг мэдээллээ. Өмнө нь 200 хүн гэмтсэний 20 нь хүнд бэртсэн гэж мэдээлсэн юм. Хүмүүс ид ажил сургуульдаа явдаг их ачаалалтай үеэр нэг галт тэрэг зогсоол дээр зогсч байхад өөр нэг нь араас нь ирж мөргөжээ. Нэг галт тэрэгний машинч кабиндаа шахагдан хүнд бэртсэнийг гаргаж авах гэж аврагчид багагүй цаг зарцуулсан байна. Гэмтэж бэртсэн хүмүүсийн дунд олон тооны хүүхэд байсан гэж албаныхан мэдээллээ.
Урьдчилсан мэдээллээр дохиоллын системийн 25 метр зэс кабелийг хулгай авч дохионы гэрэл ажиллахгүй болгосон нь ослын шалтгаан болсон гэж байна.
Өмнөд Африкийн хот орчмын галт тэрэгний 90 хувь нь бүр 50 жил ашиглаж хуучирсан, хамгийн шинэ нь гэхэд л 1986 онд ашиглалтад орсон байдаг юм байна.
