Гүржийн Батлан хамгаалахын сайд асан Давид Кезерашвилийг 12 сая долларын авлига авсан хэрэгт сэжиглэн эрүүгийн хэрэг үүсгэлээ хэмээн мөрдөн байцаагч Квиниказе өчигдөр мэдэгдсэн байна. Сангийн яамны  шалгалтаар Кезерашвили 2007 онд цагдаагийн байгууллагын санхүүгийн тэргүүн байхдаа гэмт хэргийг бүлэглэлүүдэд тусалж, хуурамч архи гадаадад гаргахад оролцож байсан бололтой. Харин Батлан хамгаалахын сайд байхдаа тэр гэмт хэргийн бүлэглэлүүдээс ихээхэн хэмжээний авлига нэхэж байсан нь ил болжээ. “Мөрдөн байцаалтын явцад Давид Кезерашвили гэмт хэргийн бүлэглэлүүдтэй хуйвалдаж хууль бус үйлдлээ нуун дарагдуулахдаа албан тушаалаа ашиглаж байсан нь тодорхой байна” гэж мөрдөн байцаагч Сангийн яаманд болсон мэдээлэл дээр мэдэгджээ. Тэрээр Кезерашвили нийтдээ 12 сая ам.долларын хэмжэний авлига авсан нь мөрдөн байцаалтын явцад илэрсэн гэжээ.