Сүүлийн үед МАХН-ын дарга Н.Энхбаярыг МИАТ-ын мөнгө угаасан хэрэгт холбоотой байж магадгүй гэсэн мэдээлэл тархах болсон. УЕП Д.Дорлигжав ч тэр хэвлэл мэдээллийн хэрэгсэлд өгсөн ярилцлагадаа “МИАТ-ийн хэрэгт Н.Энхбаяр холбоотой байж магадгүй. Түүний хамаатнуудыг энэ хэрэгт холбогдуулан шалгаж байгаа” гэсэн ярилцлага өгсөн байсан. Тэгвэл энэ мэдээлэ ор үндэсгүй гүтгэлэг гэдгийг МАХН-ын дарга Г.Шийлэгдамба өгсөн юм. Тэрээр, “Номхон тэмээг ноолоход амар гэгчээр янз бүрийн хэрэг гарвал Энхбаяр даргатай холбодог болж. Ер нь, Энхбаяр даргын шүүх хурал болгоны өмнө янз бүрийн зохиомол хэрэг гаргаж ирдэг байсан. Тэр нь төд удалгүй алга болдог. Энхбаяр даргын өмгөөлөгчид түүний хэргийг Дээд шүүхийн бүх шүүгчдийн хурлаар оруулах хүсэлт тавьсан. Үүнтэй холбогдуулж эн маягаар нэр хүндэд нь халдахыг оролдож байна. Шүүхээр албан ёсоор нотлогдоогүй хэргийг Энхбаяр даргатай холбоотой мэтээр дэлгэж байгаа нь гүтгэлэг” гэв.