Өмнөд Солонгосын Ерөнхийлөгч Ли Мён Бак төрийн тэргүүний суудлаасаа буухын өмнө хэрэгт холбогдоод байгаа экс туслахууддаа өршөөл үзүүлжээ. Ли Мён Бак нийтдээ 55 хүнд өршөөл үзүүлсний дотор авлигын хэргээр хоригдсон Ерөнхийлөгчийн дотны найз, туслах Чун Шин Ил, Чой Си Жүүн байсны зэрэгцээ Ли Мён Бакийн туслахаар өмнө нь ажиллаж байгаад санал худалдан авсан гэдэг хэргээр баригдсан Пак Хи Тэ, Ким Хё Жэ нар байжээ. Гэхдээ өршөөгдсөн хоригдлуудын дотор долоо хоногийн өмнө хээл хахуулийн хэргээр хоёр жилийн ял авсан Ерөнхийлөгчийн ах багтаагүй байна.
Ерөнхийлөгчийн хууль ёсны бүрэн эрхийнхээ дагуу гаргасан энэхүү зарлиг бол албан тушаалаа урвуулан ашигласан үнэхээр харамсмаар хэрэг боллоо гэж ирэх сард Ли Мён Бакийн халааг авч, Ерөнхийлөгч болох хатагтай Пак Гён Хи мэдэгджээ.