Иран улс өнгөрсөн долоо хоногт сансарт пуужин хөөргөхдөө дотор нь сармагчин суулгаж явуулжээ. Тэд энэ тухайгаа нислэг амжилттай болж, сармагчин эсэн мэнд эх дэлхийдээ ирсний дараа л сая нэг дэлхий нийтэд зарлажээ. Дотооддоо хийсэн хиймэл дагуулаа анх 2009 онд сансарт хөөргөж байсан Иран улс 2010 онд хар, өт, яст мэлхий гээд жижиг амьтдыг амжилттай илгээж байсан бол энэ удаа арай том амьтан буюу сармагчинг илгээжээ. Сармагчингийн суусан пуужин 120 километрийн алсад хүрээд буцаж амжилттай газардсан байна. Ираны хувьд баярт энэ мэдээг барууны орнууд анхааралтай ажиглан судалж, бас санаа зовниж байна. Учир нь, сансарт хөөргөсөн пуужингийн толгойг цөмийн зэвсгийн пуужин хийхэд ч ашиглаж болох юм.
Иран улс 2019 он гэхэд сансарт хүн илгээх зорилготой ажиллаж байгаа юм.


1961 онд АНУ-ын сансарт хөөргөсөн шимпанзе