Египетэд олон нийтийн эсэргүүцлийн жагсаал цуглаан үргэлжилж, нийслэл Каир хотод Дотоод явдлын яамны байр луу жагсагчид дайран хууль сахиулагчид аргагүйн эрхэнд нулимс асгаруулагч хий хэрэглэсэн байна. Олон хотод ийм эмх замбараагүй байдал үүссэнээс хамгийн ширүүн нь Пор Саит хотод болжээ. Энд болсон эмх замбараагүй байдлын үеэр 36 хүн амь алдаж, 300 хүн бэртэж шархадсан байна.
Хотод хөл хорионы цаг тогтоож, танк оруулсан ч хотод тулалдаан үргэлжилсээр байгаа юм байна. Хамгийн гол нь өнгөрсөн жил хөл бөмбөгийн тэмцээний үеэр эмх замбараагүй байдал үүсч 74 хүний амь үрэгдсэн хэрэгт буруутган 21 хүнд цаазаар авах ял оноосон нь ийм байдалд хүргэжээ. Одоо байдал бүр хурцдаж жагсагчид Суэцийн суваг руу дайрч эхэлжээ. Цэргийнхэн хөлөг онгоц, суваг руу халдсан хэнийг ч болов устга гэсэн тушаал өгөөд байгаа юм байна.
