Дуучин Шакира дөнгөж уржигдар мэндэлсэн хүүгээ “FC Barcelona”-гийн хөлбөмбөгчин болно хэмээн мэдэгдсэн. Үнэхээр ч Милан хүү эцгийнхээ шийрийг хатаах хөлбөмбөгч болох бололтой. Милан хэмээн нэрийг нь сийлсэн “Nike”-ийн спорт гутлаар гангарчээ. Удам залгах хүүгээ тэсэн ядан хүлээж байсан шинэхэн аав Жерард Пике хүүгийнхээ нэрийг бичсэн Nike гутал өхөөрдөм хөлөнд нь арай томдуухан таарч байгаа зургийг авч, Твиттертээ нийтэлжээ.
Дуучин Шакира хүүгээ төрүүлмэгцээ “Милан хүү маань яг аав шигээ төрмөгцөө “FC Barcelona”-гийн гишүүн боллоо” хэмээн зарласан юм.