АНУ-ын Вашингтон хотын Далласын нэрэмжит олон улсын  нисэх буудалд зорчигч тээврийн хоёр онгоц мөргөлдсөн байна. Брюселлээс ирж байсан онгоц газардсаныхаа дараа терминал руу ойртож байхдаа “United Airlines” компанийн онгоцыг зогсоол дээр байхад нь далавчаараа шүргэж гэмтээсэн байна. Ослын улмаас хэн нэгэн бэртэж гэмтээгүй гэж албаныхан мэдээллээ. Онгоцнуудад ч ноцтой гэмтэл гараагүй, гэхдээ гэмтлийг тодорхойлох, ослын шалтгааныг тогтоохоор холбогдох албаныхан ажиллаж байгаа гэж нисэх буудлын албаныхан мэдээлжээ.