Амьдрал дээр хайр дурлал нь төдий л бүтэлтэй болдоггүй дуучин Тэйлор Свифт ханхүүгээ хүлээн цамхагт хоригдсон Рапунзель болон “хувирчээ”. Энэ бол түүний ээлжит сурталчилгааны гэрээ юм. 23 настай каунтри дуучин Диснейн паркын сурталчилгааны шинэ кампанид оролцож, Рапунзелийн дүрийг бүтээж байгаа аж. Тэйлор Свифт үлгэрийн баатрын дүрээр сурталчилгаанд тоглох болсон нь мөрөөдөл биелсэн, нэр төрийн хэрэг хэмээн мэдэгджээ. Тэрээр хүүхэд байхдаа дүү Остинтойгоо хамт энэ хүүхэлдэйн киноны дүрд хувиран тоглодог байжээ. Түүний зургийг алдарт зурагчин Энни Лейбовиц авчээ.
Өмнө нь Дисней паркийн сурталчилгаанд Бионсе, Рачел Уэсц зэрэг одод хүүхэлдэйн баатрын дүрээр сурталчилгаанд тоглож байсан юм.