Австралийн шүүхээс нэгэн ямааны эзэнд оноосон шийтгэлийг хүчингүй болгожээ. Жеймс Дезарнолдс хэмээх хошин шогийн жүжигчин ямаагаа Сиднейн Контемпорэри урлагийн музейн гаднах цэцэрлэгт идээшлүүлсэн нь шүүхэд дуудагдаж, 440 долларын торгуульд унагасан байна. Гэвч өнгөрсөн наймдугаар сард болсон эл явдлыг шүүхээр дахин хэлэлцээд ямааны эзнийг ерөөсөө торгох ёсгүй байсан, ямаа цэцэрлэгийн цэцэг ногоо идэж байгааг мэдсэн гэх баримт алга хэмээн үзжээ.