Боливийн парламентын гишүүн Доминго Алкибиа Ривер төрийн ордон Чуисакед социалист намын их хурал болсны дараа хүлээн ваалт дээр сархад хүртсэнийхээ дараа хуралдааны танхимдаа нэгэн эмэгтэйг хүчирхийлсэн нь ил болжээ. Үйл явдал хянатын камерт бичигдэж үлдсэнийг тухайн өдөр жижүүрлэж байсан хамгаалалтын ажилтнууд “YouTube” сайтад тавьчихаж. Өөр  бас хэд хэдэн албан тушаалтан болсон явдлын гэрч болсон байна. Үйл явдлын талаар мэдсэн Ерөнхийлөгч Эво Моралес “Байж боломгүй алдаа” гэсэн байна. Харин хэргийн эзэн “Бүгд л үүнийг хүчирхийлэл гээд байгаа юм. Гэхдээ энэ бол тийм биш” гэснийг хэвлэлүүд иш татжээ.