Ерөнхийлөгчийн охид том болсон гэдгээ тангаргийн ёслолоор харуулав. Дөрвөн жилийн өмнө 2009 оны нэгдүгээр сарын 20-нд Барак Обама анх удаа Ерөнхийлөгчийн тангараг өргөхөд хоёр бяцхан охин аавынхаа хажууд зогсч байсан бол өнөөдөр тэд өсвөр насны охид болж, ийм том арга хэмжээнд оролцох туршлага аль хэдийнэ суужээ. Ерөнхийлөгчийн охид одоо 14, 11 нас хүрчээ. Том охин  Малиа Обама тангаргийн ёслолд  “J Crew”-гийн хүрэм, хувцсаар гоёсон бол бага охин Саша Обама “Kate Spade” брэндийн хүрэм сонгожээ. Ерөнхийлөгчийн охид эдгээр брэндийг сонгосонд үйлдвэрлэгч компани нь маш их баяртай байгаагаа мэдэгдэж, түүхийн нэг хэсэг болсондоо бахархаж байна гэжээ.
Харин юу өмсөх нь байнга олны анхаарлын төвд байдаг тэргүүн хатагтай Мишель Обамагийн хувьд “Tom Browne”-ы хүрмээр гоёжээ.