Нэг хэсэг улс төрд гүн хутгалдаж, Холливудыг бараг мартаад байсан Арнольд Шварцнеггер эргээд кино формондоо орох гэж багагүй хичээж буй. Амбан захирагчийн суудлаас буусны дараа эхнэрээсээ ч салсан түүнд шинэ киноноос өөр чухал ажил үлдээгүй юм. Гэхдээ түүний шинэ кино эхнээсээ амжилт муутай байна. "The Last Stand" хэмээх түүний тоглосон шинэ кино box-office-оос ердөө 1,9 сая  долларын орлого олсон нь 30 сая ам.доллараар бүтээсэн зардал өртгөө олж авахад ч эргэлзээтэй болгож байгаа юм. Тийм ч учраас их ажлын дараа А.Шварцнеггер түр амарч, хөвгүүдтэйгээ цагийг өнгөрүүлж байна. Гэр бүлээсээ тусдаа амьдарч байгаа тэрээр үе үе хүүхдүүдтэйгээ уулздаг юм.