Католик шашны тэргүүн, Ромын пап лам XVI Бенедикт Твиттерт нэгдээд удаагүй. @pontifex нэрээр есөн хэлээр жиргэдэг 2,5 сая дагагчтай болоод байгаа пап лам өчигдөр латин хэлээр анхны жиргээгээ цацжээ.  Пап лам “Христчүүдийн эв нэгдлийн төлөө юу хийхийг Эзэн биднээс хүссэн билээ” хэмээн асуугаад “Байнга залбир, үнэнч шударга бай, бусдын хайрла. Эзэнтэй хамт бай” хэмээн өөрөө хариулжээ. Пап ламын ихэнх дагагчид нь түүний англи хэлээр уншигчид ажээ.
Пап лам сарын өмнө Твиттерт нэгдсэн нь сүсэгтэн олонд хүрэх, хүүхэд залууст бурхны үгийг хүргэх зорилготой хэмээн Ватикан мэдээлсэн. Ер нь, Ватикан олон нийтэд хүрэхийн тулд тухайн үеийнхээ хамгийн орчин үеийн технологийн дэвшлийг ашиглаж ирсний нэг нь 1931 онд нээгдсэн Ватиканы радио байв.