Өнөөдөр хуваарь ёсоор УИХ дахь намын бүлгүүд хуралдана. Ардчилсан намын бүлгийн хуралдаан 10.00 цагаас “А” танхимд, Монгол Ардын намын бүлгийн хуралдаан 10.00 цагаас “Б” танхимд, “МАХН-МҮАН”-ын Шударга ёс эвслийн бүлгийн хуралдаан 10.00 цагаас “В” танхимд хуралдах юм байна.
Олонхийн бүлгийн хуралдаанаар Улсын Их Хурлын 2012 оны намрын ээлжит чуулганы 2013 оны 01 дүгээр сарын 24, 25-ны өдөр /Пүрэв, Баасан гараг/-ийн нэгдсэн хуралдаанаар хэлэлцэх хуулийн төслүүд, Засгийн газрын мэдээлэл, “Малчдын хоршоо” төслийн танилцуулгыг хэлэлцэнэ. Мөн Засгийн газраас өргөн мэдүүлсэн хууль, тогтоолын төслүүд /Төрийн нууцын жагсаалт батлах тухай хуульд өөрчлөлт оруулах тухай, Засгийн газрын тусгай сангийн тухай хуульд нэмэлт оруулах тухай, Хаягжуулалтын тухай, Нийслэлийн эрх зүйн байдлын тухай хуульд өөрчлөлт оруулах тухай хуулийн төслүүд, Тогтоолын хавсралтад нэмэлт оруулах тухай УИХ-ын тогтоолын төсөл/-ийг бүлгийн гишүүдээр хэлэлцүүлэн шийдвэр гаргана.