АНУ-ын ерөнхийлөгч Барак Обама өнөөдөр хоёр дахь хугацааныхаа тангарагийг үд дунд өргөнө. Ерөнхийлөгчийн тангараг өргөх ёслолд тэдний гэр бүл, Цагаан ордны зарим албан хаагч, дэд ерөнхийлөгч Жозеф Байден нар байлцана. Барак Обама тангараг өргөхийн Арлингтон дахь нэр нь үл мэдэгдэх дайчдын булшинд цэцэг өргөж, орой нь хүндэтгэлийн хүлээн авалт хийн үг хэлнэ.
Үүний өмнө Ерөнхийлөгчийн тангараг өргөх ёслолд америкийн поп одод оролцоно гэж мэдээлсэн. Дуучин Бейонсе АНУ-ын төрийн дуулал дуулж, хөгжимчин Жеймс Тейлор “Америк орон сайхан”- гэдэг эх оронч дууг хөгжимдөх юм байна. Бас “Америк” хэмээх эх оронч дууны эвлүүлгийн дуучин Келли Кларксон дуулах юм.
Капитол Хиллд болж нэг сая гаруй хүн оролцох арга хэмжээний үеэр Барак Обама нийтэд хандаж үг хэлэх юм байна.
Шинжээчдийн үзэж байгаагаар энэ удаагийн ёслолд өмнөхөөс илүү зардал гарна гэж тооцоолж байна.
Тангараг өргөх ёслол маргааш үргэлжлэх юм.
