Энэтхэгийн Бихар мужид нэгэн эр гэрээсээ 400 мянган рупитэй цүнхээ алджээ. Сонирхолтой нь, цүнхийг гудамжны тэнэмэл нохой зуугаад зугтжээ. Гэрийн эзнийг гадаа нүүр гараа угаахаар гарсан хойгуур нохой гэрт ороод цүнхийг нь зуугаад зугтсан байна. 400 мянган рупи буюу 7000 гаруй ам.доллар бүхий цүнхээ хайхаар ойр хавийн газрыг самнаад хажуугийн гудамжнаас  140 мянган рупиг нь олжээ. Харин үлдсэнийг нь эрээд эрээд олохгүй байгаа гэнэ. Цагдаагийнхан хэргийн эзэн нохойг цүнхнээс хоол шиншлээд байхгүй болохоор нь хаа нэгтээ хаячихсан байх гэж үзэж байгаа аж. Мөнгөө алдсан эр Арабын оронд ажилладаг хүүгээсээ дээрх мөнгийг хүлээн аваад, газар худалдан авахаар хадгалж байсан гэнэ.