Энэ явдал өнгөрсөн шөнө Оросын Сибирьт болсон байна. “Москва-Нюрнгри” чиглэлд зорчиж явсан галт тэрэгний зорчигч 42 настай эр тамхи татахаар тамбур дээр гарах гэж явтал үйлчлэгчийн цоожлоогүй байсан хаалгаар унасан байна. Ямар ч бичиг баримт, мөнгө төгрөггүй, зөвхөн фудболка, гэрийн шаахайтай зорчигч 40 градусын хүйтэнд галт тэргээ гүйцэхээр долоон км гүйсэн ч гүйцсэнгүй дараагийн өртөөнд хүрч очжээ. Азаар тэрээр хөлдөж, бэртэл гэмтэл аваагүй гэнэ. Цагдаагийнхан түүнийг хэн болохыг тогтоохоос эхлээд, цаанаа вагонгүй тамбурын хаалгыг түгжээгүй хариуцлага алдсан үйлчлэгчийг тодруулж хариуцлага тооцох бололтой. Зорчигч болон, үйлчлэгчийн нэрийг зарлаагүй байна.