УИХ-ын чуулганы өнөөдрийн хуралдаанаар Ерөнхийлөгчөөс өргөн барьсан Шүүхийн тухай багц хуулийг дагаж мөрдөх журмын тухай хууль, зарим хуулиудад өөрчлөлт оруулах тухай хуулийн төслүүдийг болон Монгол Улсын Их Хурлын тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийж баталлаа.
Мөн Шүүх байгуулах тухай хуулийн шинэчилсэн найруулга болон “Шүүгчийн орон тоо батлах тухай” УИХ-ын тогтоолын төслүүдийн анхны хэлэлцүүлгийг хийсэн юм. Энэ асуудлыг мөн гишүүдийн олонх холбогдох байнгын хороонд дараагийн хэлэлцүүлэгт бэлтгүүлэхээр шилжүүлэв.