Энэ эгзэгтэй агшныг харуулсан зураг бол Өмнөд Африкийн байгалийн паркаар зугаалж явсан Чантел Бейер хэмээх бүсгүй хирсэнд цээжээ нэвт хатгуулахаас ердөө ганц хоёрхон секундын өмнө болсон явдал. Ард нь зэрлэг араатан ирж явааг үл анзааран дуулгавартай гэгч нь камерын өмнө зогсч буй хос хоёрын зургийг хөтөч нь авч өгсөн бөгөөд бүхнийг өөрийн нүдээр харж байсан атлаа аюулыг хэлж сэрэмжлүүлээгүйгээр барахгүй зургийг нь тайван гэгч нь авч зогсчээ. Тэдэнтэй хамт аялж явсан хэдэн хүн ч энэ явдлыг машин дотроос харсан гэрчүүд болжээ. Гэтэж яваа хирс бүсгүйн цээж хавьцаа араас нь нэвт сүлбэсний улмаас хавирга нь хугарч, уушиг нь ажиллагаагүй болжээ. Түүнийг яаралтай эмнэлэгт хүргэсний ачаар сэхээнд орж, биеийн байдал нь одоо тогтвортой байгаа гэнэ. Уг сафари аяллын хөтчөөр ажиллаж байсан Алекс Рихтер хэмээх эрэгтэй аялагчдаа машинаас бууж, хирсний ойролцоо зургаа авахуулж болно хэмээн зөвшөөрсөн төдийгүй хирснүүдэд хоол хаяж өгч, өөрсөд рүүгээ дуудсан аж.
