“Apple” корпорацыг үндэслэгч Стив Жобс өөд  болсны нэг жилийг тохиолдуулан энэ хүнийг дэлхий нийтээрээ дурсч байгаа билээ. Эндээс украйнчууд хамгийн өвөрмөц аргаар дурссан байна. Тэд Одесс хотноо  Стив Жобсын дурсгалд зориулсан хөшөө босгож. Хөшөө нь нэг талаасаа “Apple” компанийн лого тэмдэгтэй нөгөө талаасаа зүрхний дүрс бүхий дэлгэсэн алга хэлбэртэй. Элдэв араа, эрэг шураг гэх мэт зүйлсээр цуглуулан хийсэн энэ хөшөө 230 кг жинтэй. Металл хийцээр хөшөө барих тал дээр дагнасан Максименко гэдэг уран барималч энэ бүтээлийг туурвисан байна.